ဆောက်လုပ်ရေးနှင့် အခြေခံအဆောက်အအုံ ရေရှည်တည်တံ့ဖွံ့ဖြိုးရေး ပူးပေါင်းဆောင်ရွက်မည်

Myanmar Builder Guide 02 Jul 2019

မြန်မာနိုင်ငံ ဆောက်လုပ်ရေးဆိုင်ရာ လုပ်ငန်းရှင်များ အသင်းချုပ် (MCEF) နှင့် European Chamber of Commerce of Myanmar(EuroCham) တို့သည် မြန်မာ-ဥရောပ ဆောက်လုပ်ရေးနှင့် အခြေခံအဆောက်အအုံ ရေရှည်တည်တံ့ဖွံ့ဖြိုးရေးအတွက် ပူးပေါင်းဆောင်ရွက်ရန် နားလည်မှုစာချွန်လွှာ

လက်မှတ်ရေးထိုးပွဲကို MCEF ခန်းမတွင် ဇွန် ၁၈ ရက်က ကျင်းပခဲ့ကြောင်း သိရသည်။

ယခုနားလည်မှုစာချွန်လွှာအရ  အပြန်အလှန် လုပ်ဆောင်ချက်ရှစ်ရပ်ဖြင့် ပူးပေါင်းဆောင်ရွက်သွားမည်ဖြစ်ပြီး မြန်မာနိုင်ငံဆောက်လုပ်ရေးဆိုင်ရာ လုပ်ငန်းရှင်များအသင်းချုပ်(MCEF)က တင်ပြသော ပူးပေါင်းဆောင်ရွက်ချက်လေးရပ်မှာ ဆောက်လုပ်ရေးလုပ်ငန်းနှင့် ပတ်သက်၍ အသိပညာနှင့် အတွေ့အကြုံဖလှယ်ခြင်း၊ မူဝါဒရေးဆွဲသည့်လုပ်ငန်းစဉ်နှင့် ပတ်သက်သည့်သတင်းအချက်အလက်မျှေ၀ခြင်း၊ နှစ်ဦးနှစ်ဖက် ဆက်သွယ်လုပ်ဆောင်ရေးလွယ်ကူချောမွေ့စေရန်အတွက် ဆောက်လုပ်ရေးနှင့် ဆောက်လုပ်ရေးဆိုင်ရာ ထောက်ခံတိုက် တွန်းအားပေး သည့်အဖွဲ့နှင့် သုံးလတစ်ကြိမ်ခန့် တွေ့ဆုံဆွေးနွေးမှုများပြုလုပ်ခြင်း၊ ဆောက်လုပ်ရေးဆိုင်ရာ ထောက်ခံတိုက်တွန်းအားပေးသည့်အဖွဲ့မှ ပင်ကိုစွမ်းရည်ရှိသူများ ရှာဖွေစုံစမ်းမေးမြန်းမှုများကိုဆန်းစစ်ခြင်းတို့ဖြစ်ကြောင်း သိရသည်။

European Chamber of Commerce of Myanmar (EuroCham) မှ တင်ပြသည့် ပူးပေါင်းဆောင်ရွက်ချက်လေးရပ်မှာ ဆောက်လုပ်ရေးလုပ်ငန်းနှင့် ပတ်သက် ၍ အသိပညာနှင့် အတွေ့အကြုံဖလှယ်ခြင်း၊ ပုဂ္ဂလိက ကဏ္႑နှင့် ဆွေးနွေးညှိနှိုင်းခြင်းအကြံပေးခြင်း၊ ဆောက်လုပ်ရေး လုပ်ငန်းနှင့် ပတ်သက်သည့် မူဝါဒများအကြံပြုခြင်း၊ အလုပ်သင်၊ ပုံမှန်လစ်လပ်သောရာထူးများနှင့် ပတ်သက်သည့်အချက်အလက်များ ဖော်ထုတ်ပြောကြားခြင်းတို့ဖြစ်ကြောင်း သိရသည်။

ယခုအခမ်းအနားသို့ MCEF ဥက္ကဋ္ဌ ဦးရှိန်၀င်း၊ ဒုဥက္ကဋ္ဌ ဦးကျော်ပိုင်၊ ဗဟိုအလုပ်အမှုဆောင်များနှင့် ပြည်တွင်း၊ ပြည်ပဆက်ဆံရေးကော်မတီမှ တာ၀န်ရှိသူများ တက်ရောက်ခဲ့ပြီး European Chamber of Commerce of Myanmar မှ တာ၀န်ရှိသူများ တက်ရောက်ခဲ့ကြောင်း သိရသည်။

Ref & Photo Credit : Myanmar Builder Guide

Posted By : Thazin Hnin Htet (www.findpropertymm.com)